| 29/04/2011 12:00:00 am - ການຕຽມຕົວກ່ອນວັນເລືອກຕັ້ງ |
ວັດຜົນ-ປະເມີນຜົນ ທ່າມກາງບັນຍາກາດທີ່ປະຊາຊົນລາວທົ່ວປະເທດກຳລັງຕັ້ງໜ້າປະຕິບັດໜ້າທີ່ອັນສຳຄັນ ແລະ ຍິ່ງໃຫຍ່ທີ່ສຸດຂອງ ຊາດອີກຢ່າງໜຶ່ງໃນວັນທີ່ 30 ເມສາ 2011 ນີ້ ກໍ່ຄື ການເລືອກຕັ້ງສະມາຊິກສະພາແຫ່ງຊາດ ຊຸດທີ VII ທີ່ໄດ້ໝູນວຽນ ຄົບຮອບມາອີກວາລະໜຶ່ງ, ດັ່ງທີ່ທຸກທ່ານຮັບຮູ້ນຳກັນແລ້ວວ່າວັນສຳຄັນທາງປະຫວັດສາດນີ້ຈະໄດ້ຖືກຈັດຂຶ້ນໃນທຸກໆ 5 ປີ ວິທະຍາໄລຄູສະຫວັນນະເຂດໄດ້ຮັບເປັນກຽດເປັນສູນການປ່ອນບັດທີ່ໃຫຍ່ທີ່ສຸດໃນແຂວງສະຫວັນນະເຂດ. ສະນັ້ນ ທ່ານຮອງຜູ້ອຳນວຍການຝ່າຍກິດຈະກຳນັກສຶກສາ “ທ່ານບຸນຊູ ສຸລິເດດ” ຈຶ່ງໄດ້ນຳພາຄູອາຈານແລະນັກສຶກສາຈຳນວນໜຶ່ງຊ່ວຍກັນ ຈັດຕຽມສະຖານທີ່, ບ່ອນທີ່ໃຊ້ໝາຍເອົາຜູ້ແທນ ແລະ ອື່ນໆ ທີ່ໃຊ້ສຳລັບການປ່ອນບັດເລືອກຕັ້ງ ເຊິ່ງຈະຈັດຂຶ້ນຢູ່ທີ່ສະໂມສອນຂອງ ວິທະຍາໄລຄູສະຫວັນນະເຂດ, ນອກນັ້ນ ທ່ານຜູ້ອຳນວຍການ ວຄສ ກໍ່ຍັງໄດ້ໃຫ້ ໜ່ວຍງານປ້ອງກັນ ເຊິ່ງມີທັງ ຄູອາຈານ ແລະ ນັກສຶກສາຊ່ວຍກັນ ລະມັດລະວັງ ບໍ່ໃຫ້ມີບຸກຄົນແປກໜ້າເຂົ້າມາວົນວຽນ ຫຼື ໃກ້ສະຖານທີ່ດັ່ງກ່າວ ແລະຈັດໃຫ້ມີການຈັດເວນຍາມ ທັງກາງເວັນແລະກາງຄືນ ທັງນີ້ກໍ່ເພື່ອຄວາມປອດໄພຂອງທຸກຄົນໃນມື້ເລືອກຕັ້ງນັ້ນເອງ |