11/04/2011 12:00:00 am - ພິທີຮັບຂະບວນເຝິກຫັດ(ນັກສຶກສາ 29 ສູນ ທີ່ມາຈາກສູນຕ່າງໆ ນອກເທດສະບານເມືອງ ໄກສອນ) |
ສົ່ງເສີມວິຊາການ ວັນທີ 8 ເດືອນ ເມສາ ປີ 2011 ຂອງຕອນເຊົ້າວັນສຸກ ເວລາ 8:00 ທີ່ວິທະຍາໄລຄູສະຫວັນນະເຂດ, ໄດ້ມີການຈັດພິທີຮັບຂະບວນເຝີກຫັດ ( ສະຖານທີ:ເດີນສະໂມສອນໃຫຍ່ ) ຂອງນັກສຶກສາ 29 ສູນທີ່ມາຈາກ ສູນຕ່າງໆທີ່ລົງເຝິກຫັດວິຊາຊີບຄູ ນອກເທດສະບານເມືອງ ໄກສອນ ເຊິ່ງເປັນກຽດເຂົ້າຮ່ວມໃນງານຄັ້ງນີ້ ແມ່ນ ມີ ທ່ານ ອາຈານ ບຸນຊູ ສຸລິເດດ ຮອງຜູ້ອໍານວຍການຝ່າຍກິດຈະກໍານັກສຶກສາ ພ້ອມຄະນະ ກໍ່ເປັນກຽດເຂົ້າຮ່ວມ, ພະນັງານຄູ-ອາຈານ ແລະ ນັກສຶກສາທຸກສາຍຮຽນ ກໍ່ໄດ້ເຂົ້າຮ່ວມ.ຍິ່ງໄປກວ່ານັ້ນ ທາງຮອງຜູ້ອໍານວຍການ ທ່ານ ອາຈານ ບຸນຊູ ສຸລິເດດ ແລະ ຄະນະ ກໍ່ຍັງໄດ້ຂື້ນກ່າວຮັບແລະຍ້ອງຍໍຊົມເຊີຍຜົນງານຂອງນັກສຶກສາທີ່ສາມາດຍາດມາໄດ້ ຢ່າງສຸດໃຈ. ພາຍໃນງານ ແມ່ນມີຄວາມເບີກບານມ່ວນຊືນເຕັມໄປດ້ວຍ ໃບໜ້າອັນຍີ້ມແຍ້ມ ແລະສຽງເພງ-ສຽງດົນຕີ, ການຮ້ອງເພງ, ການຟ້ອນລໍາ, ແລະ ຈຸດເດັ່ນຂອງງານ ກໍ່ແມ່ນພິທີຕ້ອນຮັບ ເອື້ອຍອ້າຍ ທີ່ມາຈາກເຝິກຫັດ ແລະ ການມອບຂອງຕ້ອນຈາກສູນຕ່າງໆຢ່າງເປັນຂະບວນຟົດຟື້ນ. |