ວິທະຍາໄລຄູ ສະຫວັນນະເຂດ ເປັນສູນກາງແຫ່ງການພັດທະນາວິຊາຊີບຄູທີ່ມີຄຸນນະພາບ ແລະ ຈັນຍາບັນ, ເອົາໃຈໃສ່ການວິໄຈ ສາມາດເຊື່ອມໂຍງໄດ້ກັບສາກົນ.
Savannakhet Teacher Training College is the center of professional development with high quality and ethic teachers, research-oriented, and international cooperation.
ວິໄສທັດຮອດປີ 2020 ແລະ ແຜນຍຸດທະສາດ 5 ປີ (2016-2020)

ເຄື່ອງແບບລັດຖະກອນຄູ


06/07/2017 4:04:21 pm - ການເປີດການຮຽນ - ການສອນ ພາສາລາວນໍາໃຊ້ໃຫ້ແກ່ ຄູ-ອາຈານ ວິທະຍາໄລຄູ ກວາງຈິ ສສ. ຫວຽດນາມ ແລະ ການເຜີຍແຜ່ຂໍ້ມູນກ່ຽວກັບການຮຽນ-ການສອນວິຊາສະເພາະສາຂາວິຊາຕ່າງໆຢູ່ ວິທະຍາໄລຄູ ກວາງຈິ ສໍາລັບນັກຮຽນທີ່ຈົບມັດທະຍົມປາຍ
ສົ່ງເສີມວິຊາການ


ໃນຕອນເຊົ້າຂອງວັນທີ 3/7/2017 ວິທະຍາໄລຄູສະຫວັນນະເຂດ ໄດ້ຈັດພິທີຕ້ອນຮັບຄະນະຄູ-ອາຈານ ຈາກວິທະຍາໄລຄູ ກວາງຈິ ສສ. ຫວຽດນາມ ຢູ່ທີ່ຫ້ອງປະຊຸມ ວຄສ ກອງປະຊຸມດັ່ງກ່າວ ມີຢູ່ 2 ຈຸດປະສົງຄື:
1. ເປີດການຮຽນ - ການສອນ ພາສາລາວນໍາໃຊ້ໃຫ້ແກ່ ຄູ-ອາຈານ ວິທະຍາໄລຄູ ກວາງຈິ ສສ. ຫວຽດນາມ
2. ປຶກສາຫາລືກ່ຽວກັບການເຜີຍແຜ່ຂໍ້ມູນກ່ຽວກັບການຮຽນ-ການສອນວິຊາສະເພາະສາຂາວິຊາຕ່າງໆຢູ່ ວິທະຍາໄລຄູ ກວາງຈິ ສໍາລັບນັກຮຽນທີ່ຈົບມັດທະຍົມປາຍ.
ເຂົ້າຮ່ວມໃນພິທີ ປະກອບມີ 3 ຝ່າຍຄື:
1) ຝ່າຍວິທະຍາໄລຄູສະຫວັນນະເຂດມີ: ທ່ານ ລັດສະໝີ ພະໄຊສີ ຜູ້ອໍານວຍການ ພ້ອມຄະນະ, ຫົວໜ້າຫ້ອງການສົ່ງເສີມວິຊາການ, ຫົວໜ້າຫ້ອງການວິທະຍາສາດສັງຄົມ ແລະ ນັກວິຊາການ.
2) ຝ່າຍພະແນກສຶກສາທິການ ແລະ ກິລາ ແຂວງ ມີ: ທ່ານ ວິໄນ ສຸຂະລາດ ຮອງຫົວໜ້າພະແນກສຶກສາທິການ ແລະ ກິລາ ແຂວງສະຫວັນນະເຂດ.
3) ຝ່າຍວິທະຍາໄລຄູ ກວາງຈິ ມີ: ທ່ານ ເຈືອງ ຫູ໊ ດັ໊ງ ຜູ້ອໍານວຍການ ພ້ອມຄະນະ ແລະ ຄູ-ອາຈານທີ່ຈະມາຮຽນພາສາລາວນໍາໃຊ້.
ກອງປະຊຸມໄດ້ດໍາເນີນໄປດັ່ງນີ້: ຫຼັງຈາກທີ່ຈັດຕັ້ງພິທີໄດ້ກ່າວຈຸດປະສົງ ແລະ ແຂກເຂົ້າຮ່ວມແລ້ວ ທ່ານ ຜູ້ອໍານວຍການ ວຄສ ໄດ້ຂຶ້ນກ່າວຕ້ອນຮັບ ແລະ ກ່າວເປີດພິທີ, ຈາກນັ້ນ ຜູ້ອໍານວຍການ ວຄ ກວາງຈິ ໄດ້ຂຶ້ນກ່າວຄໍາຂອບໃຈໃນການຕ້ອນຮັບ ແລະ ສະເໜີຊື່ຄະນະຄູ-ອາຈານແຕ່ລະຄົນ ຈາກ ວຄ ຫວຽດນາມທີ່ມາຮ່ວມໃນພິທີ. ໃນວາລະຕໍ່ມາໄດ້ດໍາເນີນການສົນທະນາ ແລະ ປຶກສາຫາລືກ່ຽວກັບການເຜີຍແຜ່ຂໍ້ມູນການໄປຮຽນຫຼັກສູດວິຊາຕ່າງໆຢູ່ ວຄ ກວາງຈິ.
ສໍາລັບການຈັດຮຽນ-ການສອນພາສາລາວນໍາໃຊ້ໃຫ້ແກ່ ຄູ-ອາຈານ ຈາກວິທະຍາໄລຄູ ກວາງຈິ ແມ່ນຈະໄດ້ດໍາເນີນໃນລະຫວ່າງວັນທີ 3 – 28/7/2017 ທີ່ ວິທະຍາໄລຄູ ສະຫວັນນະເຂດ. ເຊິ່ງມີຄູ-ອາຈານ ຈາກວິທະຍາໄລຄູ ກວາງຈິ ມາຮຽນທັງໝົດ 5 ທ່ານ, ຍິງ 2 ທ່ານ.
ໃນຕອນທ້າຍຂອງກອງປະຊຸມ ທ່ານ ລັດສະໝີ ພະໄຊສີ ຜູ້ອໍານວຍການ ວິທະຍາໄລຄູ ສະຫວັນນະເຂດໄດ້ຂຶ້ນກ່າວຂອບໃຈແຂກ ແລະ ກ່າວປິດພິທີ.
ດັ່ງນັ້ນ, ສໍາລັບນັກຮຽນສາມັນທີ່ຈົບມັດທະຍົມປາຍແລ້ວ ໃຜມີຄວາມສົນໃຈຢາກໄປຮຽນຕໍ່ທີ່ ສສ.ຫວຽດນາມ ສົກຮຽນ 2017 – 2018 ສາມາດພົວພັນສອບຖາມຂໍ້ມູນນໍາ ວິທະຍາໄລຄູ ສະຫວັນນະເຂດ ຫຼື ພະແນກສຶກສາທິການ ແລະ ກິລາແຂວງສະຫວັນນະເຂດໄດ້.

ສົ່ງເຂົ້າ Facebook 
ທີ່ຕັ້ງ: ຖະໜົນເລກ 09, ບ້ານ ອຸດົມວິໄລ, ເມືອງ ໄກສອນພົມວິຫານ, ແຂວງ ສະຫວັນນະເຂດ.
ໂທລະສັບ: (856) 41-212180, Fax: (856) 41-213667, ຕູ້ໄປສະນີ: 809, Email: savanttc [at] yahoo.com
ໃບອະນຸຍາດນຳສະເໜີ