ວິທະຍາໄລຄູ ສະຫວັນນະເຂດ ເປັນສູນກາງແຫ່ງການພັດທະນາວິຊາຊີບຄູທີ່ມີຄຸນນະພາບ ແລະ ຈັນຍາບັນ, ເອົາໃຈໃສ່ການວິໄຈ ສາມາດເຊື່ອມໂຍງໄດ້ກັບສາກົນ.
Savannakhet Teacher Training College is the center of professional development with high quality and ethic teachers, research-oriented, and international cooperation.
ວິໄສທັດຮອດປີ 2020 ແລະ ແຜນຍຸດທະສາດ 5 ປີ (2016-2020)

ເຄື່ອງແບບລັດຖະກອນຄູ


25/12/2015 3:05:44 pm - ສະຫະພັນແມ່ຍິງ ວຄສ ຈັດຕັ້ງເຜີຍແຜ່ມະຕິກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດຄັ້ງທີ VII ແລະ ມະຕິກອງປະຊຸມໃຫຍ່ຜູ້ແທນແມ່ຍິງແຂວງສະຫວັນນະເຂດຄັ້ງທີ IX
ວັດຜົນ-ປະເມີນຜົນ


ເວລາ 13:30 ນາທີ , ວັນທີ 24 ທັນວາ 2015 ທີ່ຫ້ອງປະຊຸມ ວິທະຍາໄລຄູສະຫວັນນະເຂດ ໄດ້ເປີດກອງປະຊຸມເຜີຍມະຕິກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ
ຄັ້ງທີ VII ແລະ ມະຕິກອງປະຊຸມໃຫຍ່ຜູ້ແທນແມ່ຍິງແຂວງສະຫວັນນະເຂດຄັ້ງທີ IX ໂດຍການເປັນປະທານຂອງທ່ານ ນາງ ໃສຊົມຊື່ນ ໂພທິສານ ປະທານສະຫະພັນແມ່ຍິງ
ທັງເປັນຮອງຜູ້ອຳນວຍ ວິທະຍາໄລຄູສະຫວັນນະເຂດ, ເປັນກຽດໃນພິທີ ມີທັງທ່ານ ທອງເຄນ ຄຳສຸກຖາວົງ ປະທານສະຫະພັນກຳມະບານ ແລະ ທ່ານ ວັນນະກອນ ຄຳສຸກຖາວົງ
ຄະນະບໍລິຫານງານຊາວໜຸ່ມ ວຄສ ພ້ອມດ້ວຍຄະນະສະຫະພັນແມ່ຍິງ ແລະ ຄູ - ອາຈານ ຍິງ ທັງໝົດໃນວິທະຍາໄລຄູສະຫວັນນະເຂດກໍເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ຮັບຟັງການເຜີຍແຜ່ເອກະສານຕ່າງໆຈາກທ່ານ ນາງ ໃສຊົມຊື່ນ ໂພທິສານ, ໃນນັ້ນ ປະກອບມີ:
1. ມະຕິຕົກລົງຂອງຄະນະເລຂາທິການສູນກາງພັກ ວ່າດ້ວຍການຮັບຮອງເອົາຄະນະບໍລິຫານງານສູນກາງ ສະຫະພັນແມ່ຍິງລາວ.
2. ມະຕິກອງປະຊຸມໃຫຍ່ຄັ້ງທີ IX ຂອງຄະນະບໍລິຫານງານສະຫະພັນແມ່ຍິງ ແຂວງສະຫວັນນະເຂດ
3. ມະຕິຕົກລົງຂອງຄະນະບໍລິຫານງານສະຫະພັນແມ່ຍິງແຂວງສະຫວັນນະເຂດວ່າດ້ວຍການແບ່ງຄວາມຮັບຜິດຊອບຂອງຄະນະບໍລິຫານງານຂອງສະຫະພັນ
ແມ່ຍິງແຂວງສະໄໝທີ IX.

ຫຼັງຈາກນັ້ນ ກອງປະຊຸມຍັງໄດ້ຮັບຟັງການໂອ້ລົມອັນອົບອຸ່ນ ຈາກທ່ານ ນາງ ໃສຊົມຊື່ນ ໂພທິສານ ເພື່ອເຕົ້າໂຮມຄວາມສາມັກຄີ ແລະ ອົບອຸ່ນຈິດໃຈເອື້ອຍນ້ອງຍິງ ໃນທ່າມກາງ
ສະພາບສັງຄົມທີ່ມີການປ່ຽນແປງຢ່າງບໍ່ຢຸດຢັ້ງ. ໃນໂອກາດນີ້ທ່ານໄດ້ຊີ້ທິດເຍືອງທາງໃນຫຼາຍບັນຫາເປັນຕົ້ນແມ່ນ:
1. ເອື້ອຍນ້ອງຍິງຕ້ອຢຶດໝັ້ນໃນຄວາມມີເຫດຜົນ, ອົດທົນ, ໜັກແໜ້ນ, ເປັນບຸກຄົນທີ່ມີຈິດໃຈບໍລິສຸດ ຊື່ສັດ ແລະ ດູແລຄອບຄົວເຕັມຄວາມສາມາດ.
2. ຕ້ອງເອົາໃຈໃສ່ຮັກສາກົດລະບຽບ ທັງຮີດຄອງປະເພນີ ແລະ ເປັນແບບຢ່າງອັນດີໃຫ້ແກ່ນັກສຶກສາ
3. ເຝິກຝົນຕົນເອງໃຫ້ເປັນຜູ້ກ້າຕັດສິນໃຈ, ຮອບຄອບ, ຈິງໃຈ ແລະ ຍອມຮັບໃນການຕໍານິ - ກໍ່ສ້າງ ຄຽງຄູ່ກັບການເຝິກຕົນເອງໃຫ້ກາຍເປັນແບບຢ່າງໃນການນໍາພາໃນທຸກດ້ານ.

ເຊິ່ງບັນຫາດັ່ງກ່າວນັ້ນລ້ວນແຕ່ແມ່ນບົດຮຽນອັນລໍ້າຄ່າ ແລະ ແສງສະຫວ່າງອັນໃສແຈ້ງ ທີ່ຈະນໍາພາເອື້ອຍນ້ອງຍິງກ້າວໄປສູ່ຄວາມສໍາເລັດ ແລະ ມີບົດບາດທາງສັງຄົມ ເທົ່າທຽມກັບ
ອ້າຍນ້ອງຊາຍ ໃຫ້ສົມກັບຄຳຂວັນ 3 ດີ ຂອງແມ່ຍິງລາວຢ່າງແທ້ຈິງ.

ພິທີດັ່ງກ່າວໄດ້ຈົບລົງດ້ວຍຜົນສຳເລັດ ແລະ ບັນຍາກາດອັນອົບອຸ່ນໃນເວລາ 15:30 ນາທີຂອງວັນນັ້ນເອງ.

ລາຍງານໂດຍ: ຫ້ອງການວັດຜົນ - ປະເມີນຜົນ.

ສົ່ງເຂົ້າ Facebook 
ທີ່ຕັ້ງ: ຖະໜົນເລກ 09, ບ້ານ ອຸດົມວິໄລ, ເມືອງ ໄກສອນພົມວິຫານ, ແຂວງ ສະຫວັນນະເຂດ.
ໂທລະສັບ: (856) 41-212180, Fax: (856) 41-213667, ຕູ້ໄປສະນີ: 809, Email: savanttc [at] yahoo.com
ໃບອະນຸຍາດນຳສະເໜີ