ວິທະຍາໄລຄູ ສະຫວັນນະເຂດ ເປັນສູນກາງແຫ່ງການພັດທະນາວິຊາຊີບຄູທີ່ມີຄຸນນະພາບ ແລະ ຈັນຍາບັນ, ເອົາໃຈໃສ່ການວິໄຈ ສາມາດເຊື່ອມໂຍງໄດ້ກັບສາກົນ.
Savannakhet Teacher Training College is the center of professional development with high quality and ethic teachers, research-oriented, and international cooperation.
ວິໄສທັດຮອດປີ 2020 ແລະ ແຜນຍຸດທະສາດ 5 ປີ (2016-2020)

ເຄື່ອງແບບລັດຖະກອນຄູ


02/10/2015 9:16:44 am - ພວກເຮົາຄືແຊ້ມ
ວັດຜົນ-ປະເມີນຜົນ


ໃນວັນທີ 30 ກັນຍາ 2015 ທີ່ຜ່ານມາ ໄດ້ມີການຈັດການແຂ່ງຂັນກິລາບານເຕະຊິງຖ້ວຍລາງວັນຫົວໜ້າພະແນກສຶກສາທິການ ແລະ ກິລາ ແຂວງສະຫວັນນະເຂດ ທັງທີມຄູ-ອາຈານຍິງ ແລະ ທີມຄູ-ອາຈານຊາຍ ເພື່ອຕ້ອນຮັບວັນຄູແຫ່ງຊາດຄົບຮອບ 21 ປີທີ່ຈະມາເຖິງໃນໃກ້ໆນີ້
ໃນການແຂ່ງຂັນໃນວັນນີ້ເປັນການຊິງແຊ້ມກັນ ລະຫວ່າງ ທີມຄູ-ອາຈານຍິງຈາກ ວິທະຍາໄລຄູ ສະຫວັນນະເຂດ (ວຄສ) ພົບກັບ ທີມປະສົມຄູອາຈານຈາກ ມສ ອຸດົມວິໄລ + ມສ ໂພນສະຫວັນ + ມສ ສະຫວັນ ຕະຫຼອດໄລຍະການແຂ່ງຂັນເຕັມໄປດ້ວຍຄວາມມ່ວນຊື່ນ ສາມັກຄີ ປ່ຽນກັນບຸກ ຫຼັງຈາກຫຼິ້ນໄປໄດ້ 20 ນາທີ ນັກກິລາ ຈາກທີມ ວຄສ ກໍ່ສາມາດຍິງປະຕູຄູຕໍ່ສູ້ໄດ້ສຳເລັດ ໝົດເວລາ 60 ນາທີ ຕ່າງຝ່າຍກໍ່ບໍ່ສາມາດຍິງປະຕູກັນໄດ້ອີກ ຄົບ 90 ນາທີ ເຮັດໃຫ້ ທີມ ຄູ-ອາຈານ ຈາກ ວຄສ ສະມາດຍາດເອົາແຊ້ມມາຄອບຄອງໄດ້ເປັນປີທຳອິດໄດ້ສຳເລັດ
ຕໍ່ມາໃນເວລາ 15 ໂມງ 30 ນາທີ ກໍ່ເປັນການແຂ່ງຂັນກັນລະຫວ່າງທີມຄູ-ອາຈານຊາຍ ຈາກ ມສ ໂພນສະຫວັນ ດີກຣີແຊ້ມເກົ່າ ພົບກັບ ທີມຈາກ ວຄສ ການແຂ່ງຂັນຄັ້ງນີ້ ມີຄວາມສຳຄັນຫຼາຍເພາະເປັນການປ້ອງກັນແຊ້ມຂອງທີມ ມສ ໂພນສະຫວັນ. ຫຼັງຈາກເປີດການແຂ່ງຂັນໄປໄດ້ 5 ນາທີມ ກັບຕັນທີມ ວຄສ ກໍ່ມົ່ງບານສິວເສົາປະຕູຄູ່ຕໍ່ສູ້ໄປຢ່າງໜ້າເສຍດາຍ ຕໍ່ມາຕ່າງຝ່າຍກໍ່ປ່ຽນກັນບຸກກັນຢ່າງໜັກ ແລ້ວກໍ່ເປັນໂອກາດຂອງທີມ ວຄສ ທີ່ມີດີກວ່າໃນເຄິ່ງທີໜຶ່ງ ເຮັດໃຫ້ ທີມ ວຄສ ນຳຂຶ້ນກ່ອນ 1 ປະຕຸ ຈາກໝາຍເລກ 16 (ອາຈານ ສຸດສາຄອນ ໄຊສິດທິເດດ) ກ່ອນໝົດເວລາເຄິ່ງທຳອິດ.
ຫຼັງຈາກກັບເຂົ້າມາໃນເວລາເຄິ່ງຫຼັງ ທີມ ມສໂພນສະຫວັນ ແຊ້ມເກົ່າ ກໍ່ໄດ້ມີການປັບແກ້ເກມມາຢ່າງດີ ເຮັດໃຫ້ໄດ້ມີໂອກາດເຕະຟີຄິກນອກເຂດໂທດຮອດ 2 ຄັ້ງຕໍ່ເນື່ອງກັນ ແຕ່ກໍ່ຖືກປະຕິເສດຈາກຜູ້ຮັກສາປະຕຸຂອງທີມ ວຄສ ທັງ 2 ຄັ້ງ. ເມື່ອບຸກແນວໃດກໍ່ບໍ່ສາມາດກົດດັນທີມ ວຄສ ໄດ້ແລ້ວ ກໍ່ເປັນໂອກາດການບຸກຄືນແບບກະທັນຫັນຂອງທີມ ວຄສ ແລະ ກໍ່ເປັນກັບຕັນທີມ ວຄສ (ອາຈານ ຄຳປະເສີດ ສີສຸວັນນະ ເບີ 5) ເຕະແບບລູກໃບໄມ້ລົ່ນຜ່ານມືຜູ້ຮັກສາປະຕູເຂົ້າສາມຫຼ່ຽມພໍດີງາມ ເຮັດໃຫ້ ທີມ ວຄສ ນຳຂຶ້ນເປັນ 2-0 ແລ້ວສຽງໝາກຫວີດຂອງກຳມະການກໍ່ດັງຂຶ້ນບົ່ງບອກວ່າໝົດເວລາ ແລະ ແຊ້ມກໍ່ເປັນຂອງທີມພວກເຮົາ ທັງທີມຄຄ-ອາຈານຍິງ-ຊາຍ
ໃນຕອນທ້າຍ, ກໍ່ມີການມອບຂັນ ແລະ ຂອງລາງວັນ ຈາກ ທ່ານ ວິໄນ ສຸຂະລາດ ຮອງຫົວໜ້າພະແນກສຶກສາທິການ ແລະ ກິລາແຂວງສະຫວັນນະເຂດ ສຸດທ້າຍພິທີການແຂ່ງຂັນກໍ່ໄດ້ສິ້ນສຸດລົງດ້ວຍຄຳວ່າແຊ້ມທີ່ເປັນຂອງ ທີມ ວິທະຍາໄລຄູ ສະຫວັນນະເຂດດ້ວຍຄວາມພາກພູມໃຈ ແລະ ຄວາມສາມັກຄີ ຂອງນັກກິລາຈາກ ວິທະຍາໄລຄູ ສະຫວັນນະເຂດ.

ສົ່ງເຂົ້າ Facebook 
ທີ່ຕັ້ງ: ຖະໜົນເລກ 09, ບ້ານ ອຸດົມວິໄລ, ເມືອງ ໄກສອນພົມວິຫານ, ແຂວງ ສະຫວັນນະເຂດ.
ໂທລະສັບ: (856) 41-212180, Fax: (856) 41-213667, ຕູ້ໄປສະນີ: 809, Email: savanttc [at] yahoo.com
ໃບອະນຸຍາດນຳສະເໜີ