ວິທະຍາໄລຄູ ສະຫວັນນະເຂດ ເປັນສູນກາງແຫ່ງການພັດທະນາວິຊາຊີບຄູທີ່ມີຄຸນນະພາບ ແລະ ຈັນຍາບັນ, ເອົາໃຈໃສ່ການວິໄຈ ສາມາດເຊື່ອມໂຍງໄດ້ກັບສາກົນ.
Savannakhet Teacher Training College is the center of professional development with high quality and ethic teachers, research-oriented, and international cooperation.
ວິໄສທັດຮອດປີ 2020 ແລະ ແຜນຍຸດທະສາດ 5 ປີ (2016-2020)

ເຄື່ອງແບບລັດຖະກອນຄູ


15/01/2013 12:00:00 am - ອ່ວຍພອນວັນທີ່20ມັງກອນ 2013
ວັດຜົນ-ປະເມີນຜົນ


ຄັ້ງວັນ​ທີ່ 15 ມັງກອນ 2012, ​ເວລາ 11 ​ໂມງ 00 ນາ​ທີ, ທີ່ ກອງ​ບັນຊາ​ການ​ທະຫານ​ແຂວງ ທີ​ມງານ​ຈາກ​ວິ​ທະຍາ​ໄລ​ຄູ ສະຫວັນ​ນະ​ເຂດ ຕ່າງໜ້ານຳພາ​ໂດຍ​ທ່ານ​ ອາຈານ ບຸນ​ຊູ ສຸລິ​ເດດ ​ແລະ ສະມາຊິກ ອີກ 7 ທ່ານ (ທ່ານ ສັງ​ທອງ ລັດຖະສິງ, ທ່ານ ລັດສະໜີ ພະ​ໄຊ​ສີ, ທ່ານ ອະນຸ​ໄຊ​ ສຸຂະ​ລາດ, ທ່ານ ສູນ​ທະລາ​ພອນ ພົມມະ​ບຸດ​, ທ່ານ ນາງ​ສີ​ພະຈັນ ​ໄຊ​ຍະ​ປັນຍາ, ​ແລະ ທ່ານ ນາງ ວຽງລະຄອນ ທິຄຳ​ມີ) ຮ່ວມ​ເຂົ້າອ່ວຍ​ພອນ ຄະນະ​ກອງ​ບັນຊາ​ການ​ທະຫານ​ແຂວງ​ເນື່ອງ​ໃນ​ວັນ​ຄົບຮອບ 64 ປີ ການ​ສ້າງ​ຕັ້ງກອງ​ທັບ ​ໃນ​ວັນ​ທີ 20 ມັງກອນ 2013 ທີ່​ຈະ​ມາ​ເຖິງ​ນີ້​. ເປັນກຽດ ຮັບ​ຄຳ​ອວຍພອນ ​ແລະ ກະຕ່າ​ຂອງ​ຂວັນ​ພ້ອມ​ກະຕ່າ​ດອກ​ໄມ້ ​ໂດຍ​ ທ່ານ ພັນ​ເອກ ຊຽນ ​ໄຊ​ຍະ​ລາດ ຄະນະ​ປະຈຳ​ພັກ​ແຂວງ,​ເລຂາ​ພັກ​ແຂວງ, ຫົວໜ້າ ກອງ​ບັນຊາ​ການ​ທະຫານ​ແຂວງ​. ພາຍຫຼັງຮັບ​ຂອງ​ຄຳ​ອ່ວຍ​ພອນ ​ແລະ ກະຕ່າ​ຂອງ​ຂວັນ​ແລ້ວ ທ່ານ​ ພັນ​ເອກ ຊຽນ​ ໄຊ​ຍະ​ລາດ ກໍ່​ໄດ້​ຂຶ້ນປະກອບ​ຄຳ​ເຫັນ​ດັ່ງນີ້:

​ໃນ​ປີ​ນີ້​ທາງ​ພວກ​ເຮົາ​ໄດ້​ມີ​ການສະ​ເຫຼີມສະຫຼອງຢ່າງ​ຍິ່ງ​ໃຫຍ່​ໃນ​ລະດັບ​ແຂວງ, ໂດຍ​ມີ​ການຈັດ​ຂະ​ບວນ​ເດີນ​ສວນສະໜາມ ຈຳນວນ 15 ກ້ອນກຳລັງ ​ແລະ​ໃນ​ປີໜ້າ​ແມ່ນ​ຈະ​ໄດ້​ຈັດ​ງານ​ສະ​ເຫຼີມສະຫຼອງຢ່າງ​ຢິ່ງ​ໃຫຍ່​ທີ່​ສຸດ ​ໃນ​ວັນ​ຄົບຮອບ 65 ປີ. ອີກ​ດ້ານໜຶ່ງ, ​ແມ່ນ​ການ​ສືບຕໍ່ຜັນ​ຂະ​ຫຍາ​ຍບຸກຄະ​ລາກ​ອນ​ໃຫ້​ມີ​ຄຸນະພາບ​ທີ່​ສູງ​ຂຶ້ນ​ໂດຍ​ອາ​ໄສ​ການ​ສິດສອນ​ຂອງ​ຄູ​-ອາຈານ​ໃນ​ລະດັບ​ຕ່າງໆ ​ເຊິ່ງຈຳນວນໜຶ່ງກໍ່ຖືກ​ສົ່ງ​ໄປ​ຍົກ​ລະດັບ​ທັງ​ພາຍ​ໃນ ​ແລະ​ ຕ່າງປະ​ເທດ ​ໂດຍ​ສະ​ເພາະ​ແມ່ນ ສສ ຫວຽດນາມ, ນ​ອກນັ້ນ, ກໍ່ຍັງ​ໄດ້​ເຊີນ​ເອົາ​ຄູ​ຈາກ ສສ ຫວຽດນາມ ມາ​ຊ່ວຍ​ສອນ​ໃຫ້​ພະນັກງານ​ຢູ່​ແຂວງ​ເຮົາ. ຕໍ່ກັບ​ວຽກງານ​ປ້ອງ​ກັນຊາ​ດ ປ້ອງ​ກັນ​ຄວາມ​ສະຫງົບ, ທົ່ວ​ປະ​ເທດ​ເຮົາ​ມີ​ທັງໝົດ 73 ກອງ​ຮ້ອຍ, ພາຍ​ໃນ​ແຂວງ ສະຫວັນ​ນະ​ເຂດ​ແມ່ນ​ມີ 6 ກອງຮ້ອຍ ​ໃນ​ນັ້ນ 2 ກອງຮ້ອຍ​ແມ່ນ​ຢູ່​ລຽບຕາມ​ຊາຍ​ແດນ​ທາງ​ເບື້ອງຊາຍ​ແດນ ສສ ຫວຽດນາມ ​ແລະ ອີກ​ 4 ກອງຮ້ອຍ ​ແມ່ນ​ຢູ່​ລຽບຕາມ​ຊາຍ​ແດນ​ທາງ​ເບື້ອງຊາຍ​ແດນ​ໄທ. ສຸດ​ທ້າຍ​ທ່ານ ພັນ​ເອກ ຊຽນ ​ໄຊ​ຍະ​ລາດ ກໍ່ຍັງ​ໄດ້​ຝາກ​ຄຳ​ອ່ວຍ​ພອນ ​ແລະ ຂໍ​ຂອບ​ໃຈ​ ມາ​ຍັງ​ບັນດາ​ຄະນະ​ນຳ​ພາຍ​​ໃນ ວຄສທີ່​ເຂົ້າມາ​ອ່ວຍ​ພອນ​ໃນ​ຄັ້ງນີ້ ​ແລະ ຂໍ​ໃຫ້​ຍຶດໝັ້ນການ​ປະຕິວັດ ​ເພື່ອ​ຮັບ​ໃຊ້​ຊາດ ຮັບ​ໃຊ້​ປະຊາຊົນ​ຕາມ​ແນວທາງ​ຂອງ​ພັກ-ລັດ​ເຮົາ​ຕະຫຼອດ​ໄປ. ຮອດ​ເວລາ 11 ​ໂມງ 30 ບັນດາ​ທ່ານ​ຄູ​ອາຈານ​ກໍ່​ໄດ້​ເດີນທາງ​ກັບ​ຄືນ​ສູ່ ວຄສ ດ້ວຍ​ຄວາມ​ສະຫວັດດີ​ພາບ.

ສົ່ງເຂົ້າ Facebook 
ທີ່ຕັ້ງ: ຖະໜົນເລກ 09, ບ້ານ ອຸດົມວິໄລ, ເມືອງ ໄກສອນພົມວິຫານ, ແຂວງ ສະຫວັນນະເຂດ.
ໂທລະສັບ: (856) 41-212180, Fax: (856) 41-213667, ຕູ້ໄປສະນີ: 809, Email: savanttc [at] yahoo.com
ໃບອະນຸຍາດນຳສະເໜີ