ວິທະຍາໄລຄູ ສະຫວັນນະເຂດ ເປັນສູນກາງແຫ່ງການພັດທະນາວິຊາຊີບຄູທີ່ມີຄຸນນະພາບ ແລະ ຈັນຍາບັນ, ເອົາໃຈໃສ່ການວິໄຈ ສາມາດເຊື່ອມໂຍງໄດ້ກັບສາກົນ.
Savannakhet Teacher Training College is the center of professional development with high quality and ethic teachers, research-oriented, and international cooperation.
ວິໄສທັດຮອດປີ 2020 ແລະ ແຜນຍຸດທະສາດ 5 ປີ (2016-2020)

ເຄື່ອງແບບລັດຖະກອນຄູ


20/11/2012 12:00:00 am - ການຮັບຟັງການນຳສະເໜີໂຄງຮ່າງບົດສະເໜີ ໂຄງການຄົ້ນຄວ້າວິທະຍາສາດ
ວັດຜົນ-ປະເມີນຜົນ


ວັນ​ທີ 20 ພະຈິກ 2012 ທີ່​ຫ້ອງ​ປະຊຸມຊັ້ນ 2 ວຄສ, ​ເວລາ 8 ​ໂມງ 00 ນາທີ ​ໂດຍ​ການ​ເປັນປະທານ​ຂອງ​ທ່ານ ວິ​​​ໄນ ສຸຂະຣາດ ຄະນະ​ອຳນວຍ​ການ​ຝ່າຍ​ວັດ​ຜົນ ປະ​ເມີນ​ຜົນ​ ແລະ ພັດທະນາ​ຄູ​. ​ໄດ້​ມີ​ການຈັດ​ການ​ຮັບ​ຟັງ​ການ​ນຳ​ສະ​ເໜີ​ໂຄງ​ຮ່າງບົດ​ສະ​ເໜີ ​ໂຄງການ​ຄົ້ນຄວ້າວິທະຍາສາດ ​ໂດຍການ​ເປັນ​ວິທະຍາກອນ​ຈາກ​ທ່ານ ຮສ.ດຣ. ​ໂພ​ສີ ຈັນ​ມິ່ງ ຮອງ​ຫົວໜ້າຫ້ອງ​ການຄົ້ນຄວ້າ ​ແລະ ບໍລິຫານ​ວິຊາ​ການ, ມະຫາວິທະຍາ​ໄລ​ແຫ່ງ​ຊາດ. ເຊິ່ງປະກອບ​ມີ​ວິ​ທະ​ຍາກ​ອນ 2 ທ່ານ ​ແລະ​ ສຳ​ມະ​ນາກ​ອນ​ເຂົ້າຮ່ວມ 38 ທ່ານ, ຍິງ 11 ທ່ານ.

ຫົວ​ຂໍ້ລາຍການ​ທີ່​ໄດ້​ຖືກ​ນຳ​ສະ​ເໜີ​ແມ່ນ​ປະກອບ​ມີ 7 ລາຍການ​ດັ່ງ​ລຸ່ມ​ນີ້:

1. ພາບ​ລວມຂອງ​ໂຄງການ

2. ສະ​ເໜີ​ໂຄງ​ຮ່າງ​ບົດ​ສະ​ເໜີຄົ້ນຄ້ວາ​ວິທະຍາສາດ ຂອງ​ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ

3. ສະ​ເໜີຮ່າງ​ບົດ​ສະ​ເໜີ​ໂຄງການ​ຂອງ​ກະຊວງ​​ແຜນການ​ແລະ​ມາດ​ຖານ​ການ​ປະ​ເມີນ

4. ສະ​ເໜີຮ່າງ​ບົດ​ສະ​ເໜີ​ໂຄງການ​ຍີ່ປຸ່ນ

5. ສະ​ເໜີຮ່າງ​ບົດ​ສະ​ເໜີ​ໂຄງການ​ຂອງ​ສະຫະພາບ​ເອີຣົບ

6. ​ເບິ່ງ​ຕົວຢ່າງ​ສະ​ເໜີຄົ້ນຄວ້າ​ຂອງ​ລາວ

7. ເບິ່ງ​ຕົວຢ່າງ​ສະ​ເໜີຄົ້ນຄວ້າ​ຂອງ​ສາກົນ

ບັນຍາກາດ​ໃນ​ການ​ອົບຮົມ​ຍັງ​ມີ​ການ​ແລກປ່ຽນກັນ​ຍັງໜ້ອຍ ຍ້ອນ​ສຳ​ມະ​ນາກ​ອນທີ່​ເຂົ້າຮ່ວມຍັງ​ມີ​ຄວາມ​ຮູ້ ຄວາມເຂົ້າ​ໃຈ​ໃນ​ດ້ານ​ນີ້ຍັງໜ້ອຍ ​ແລະ ທາງ​ສຳ​ມະ​ນາກ​ອນ​ເອງ​ກໍ່ຢາກຂໍ​ໃຫ້​​​ເພີ​ມເວລາ​​ໃນ​ການ​ອົບຮົມ​ນີ້ຕື່ມ​ອີກ ​ເພື່ອ​ຈະ​ໄດ້​ຄວາມ​ຮູ້​ທີ່​ມີ​ຄວາມ​ຈຳ​ເປັນຕໍ່ການ​ພັດທະນາ​ຕົວ​ເອງ ກໍ​ຄື​ພັດທະນາ​ຄຸນະພາບ​ທາງ​ດ້ານ​ຊັບພະຍາກອນ​ມະນຸດ​ພາຍ​ໃນ​ວິທະຍາ​ໄລ​ຄູ​ໃຫ້​ສູງ​ຂຶ້ນທັນ​ສາກົນ.

ກອງ​ປະຊຸມ​ການ​ຮັບ​ຝັງ​ໃນ​ຄັ້ງນີ້​ໄດ້​ດຳ​ເນີ​ມມາ​ຮອດ​ເວລາ 15 ​ໂມງ 00 ນາທີ, ທ່ານ​ສັງວານ​ຄຳ ສິງ​ເພັດ​ໄຊ​ປັນຍາ ກໍ່​ໄດ້​ຂຶ້ນສະຫຼຸບການ​ດຳ​ເນີນ​ກອງ​ປະຊຸມຄື​ນ​ໂດຍຫຍໍ້. ທ້າຍ​ສຸດ​ໃນ​ເວລາ 15 ​ໂມງ 15ນາທີ, ​ທ່ານ ວິ​ໄນ ສຸຂະຣາດ ກໍ່​ໄດ້​ຂຶ້ນ​ໃຫ້​ຄຳ​ຄິດ​ເຫັນ ​ແລະ​ກ່າວ​ປິດ​ກອງ​ປະຊຸມ​ຢ່າງ​ເປັນ​ທາງ​ການ ພ້ອມ​ກັບ​ມອບ​​ໃບຢັ້ງຢືນ ​ແລະ​ ຂອງ​ທີ່​ລະນຶກ​ໃຫ້ວິທະຍາກອນ​ໃນ​ຄັ້ງນີ້ດ້ວຍ.

ສົ່ງເຂົ້າ Facebook 
ທີ່ຕັ້ງ: ຖະໜົນເລກ 09, ບ້ານ ອຸດົມວິໄລ, ເມືອງ ໄກສອນພົມວິຫານ, ແຂວງ ສະຫວັນນະເຂດ.
ໂທລະສັບ: (856) 41-212180, Fax: (856) 41-213667, ຕູ້ໄປສະນີ: 809, Email: savanttc [at] yahoo.com
ໃບອະນຸຍາດນຳສະເໜີ