ວິທະຍາໄລຄູ ສະຫວັນນະເຂດ ເປັນສູນກາງແຫ່ງການພັດທະນາວິຊາຊີບຄູທີ່ມີຄຸນນະພາບ ແລະ ຈັນຍາບັນ, ເອົາໃຈໃສ່ການວິໄຈ ສາມາດເຊື່ອມໂຍງໄດ້ກັບສາກົນ.
Savannakhet Teacher Training College is the center of professional development with high quality and ethic teachers, research-oriented, and international cooperation.
ວິໄສທັດຮອດປີ 2020 ແລະ ແຜນຍຸດທະສາດ 5 ປີ (2016-2020)

ເຄື່ອງແບບລັດຖະກອນຄູ


23/07/2012 12:00:00 am - ກອງປະຊຸມຜູ້ບໍລິຫານສະຖາບັນສ້າງຄູທົ່ວປະເທດປະຈຳປີ 2012
ວັດຜົນ-ປະເມີນຜົນ


ກອງປະຊຸມຜູ້ບໍລິຫານສະຖາບັນສ້າງຄູທົ່ວປະເທດປະຈຳປີ 2012 ທີ່ວິທະຍາໄລຄູ ສະຫວັນນະເຂດ ຄັ້ງວັນທີ 23-27/07/2012 ໄດ້ໄຂຂຶ້ນໃນຕອນເຊົ້າ ເວລາ 8:30.

ຄະນະປະທານກອງປະຊຸມໄດ້ແກ່ ທ່ານ ດຣ ສຸພັນ ແກ້ວມີໄຊ ເລຂາພັກແຂວງ ເຈົ້າແຂວງສະຫວັນນະເຂດ ແລະ

ທ່ານ ດຣ ກອງສີ ແສງມະນີ ລັດຖະມົນຕີຊ່ວຍວ່າການກະຊວງສຶກສາທິການ ແລະ ກິລາ. ພ້ອມທັງແຂກທີ່ຖືກເຊີນເຂົ້າຮ່ວມກອງປະຊຸມດັ່ງນີ້:

- ກົມສ້າງຄູ.

- ຮອງຫົວໜ້າກົມການເງິນ.

- ຮອງຫົວໜ້າກົມກວດກາ.

- ຮອງຫົວໜ້າກົມແຜນການ.

- ຮອງຫົວໜ້າກົມມັດທະຍົມ.

- ກົມອະນຸບານ-ປະຖົມ.

- ກົມພະລະ ແລະ ສີລະປະສຶກສາ.

- ຫ້ອງວ່າການປົກຄອງເມືອງໄຊບົວທອງ.

- ຄະນະສຶກສາສາດ ມະຫາວິທະຍາໄລແຫ່ງຊາດ.

- ຕ່າງໜ້າອົງການ UNESCO Bangkok ປະຈຳ ສປປ ລາວ.

- ຕ່າງໜ້າອົງການ JICA ປະຈຳ ສປປ ລາວ.

- ວິທະຍາໄລສົງ (ອົງຕື້).

- ວິທະຍາໄລສີລະປະສຶກສາ.

- ວິທະຍາໄລພະລະສຶກສາ.

- ສູນອຸປະກອນ ວິທະຍາໄລຄູ ສະຫວັນນະເຂດ.

- ຫົວໜ້າຫ້ອງການວິທະຍາໄລຄູ 8 ແຫ່ງຄື: ວິທະຍາໄລຄູຫຼວງພະບາງ, ວິທະຍາໄລຄູບ້ານເກິນ, ວິທະຍາໄລຄູຄັງໄຂ, ວິທະຍາໄລຄູຫຼວງນ້ຳທາ, ວິທະຍາໄລຄູດົງຄຳຊ້າງ, ວິທະຍາໄລຄູປາກເຊ, ວິທະຍາໄລຄູສາລະວັນ ແລະ ວິທະຍາໄລຄູສະຫວັນນະເຂດຜູ້ເປັນເຈົ້າພາບກອງປະຊຸມ.



ເວລາ 8:30 ທ່ານ ດຣ ສຸພັນ ແກ້ວມີໄຊ ເລຂາພັກແຂວງ ເຈົ້າແຂວງສະຫວັນນະເຂດ ໄດ້ກ່າວເຖິງສະພາບລວມການສຶກສາພາຍໃນແຂວງ ສະຫວັນນະເຂດ, ຂໍ້ສະດວກ ແລະ ຂໍ້ຄົງຄ້າງໃນການສ້າງຄູ. ໃນໂອກາດນີ້ກໍ່ໄດ້ກ່າວຕ້ອນຮັບຜູ້ແທນເຂົ້າຮ່ວມກອງປະຊຸມ ແລະ ກ່າວເປີດກອງປະຊຸມ.

ເວລາ 9:00 ທ່ານ ຈັນດີ ພົມມະບຸນ ຫົວໜ້າກົມສ້າງຄູ ຜ່ານບົດສະຫຼຸບຫຍໍ້ ການປະຕິບັດແຜນການພັດທະນາການສ້າງຄູ ສົກຮຽນ 2011-2012 ແລະ ແຜນພັດທະນາການສ້າງຄູສົກຮຽນ 2012-2013.

ເວລາ 9:45 ຄະນະປະທານ ແລະ ຜູ້ແທນກອງປະຊຸມ ຢ້ຽມຊົມສູນອາຫານແຫ່ງໃໝ່ຂອງ ວິທະຍາໄລຄູ ສະຫວັນນະເຂດ ແລະ ຊົມການວາງສະແດງຜະລິດຕະພັນຂອງແຕ່ລະຫ້ອງການ ຂອງວິທະຍາໄລຄູ.

ເວລາ 10:00 ທ່ານ ທອງຜິວ ບຸດສະດີ ຫົວໜ້າກົມຈັດຕັ້ງ ໄດ້ປະກາດການຈັດຕັ້ງ ຜູ້ບໍລິຫານວິທະຍາໄລຄູ 8 ແຫ່ງ.

ເວລາ 10:30 ໄດ້ມີພິທີມອບໃບຍ້ອງຍໍໃຫ້ແຕ່ລະພາກສ່ວນ ແລະ ບຸກຄົນດີເດັ່ນ.

ເວລາ 11:00 ທ່ານ ດຣ ກອງສີ ແສງມະນີ ລັດຖະມົນຕີຊ່ວຍວ່າການກະຊວງສຶກສາທິການ ແລະ ກິລາ ໄດ້ໂອ້ລົມກ່ຽວກັບການປະຊຸມຄັ້ງນີ້.

ເວລາ 13:30 ຄະນະຜູ້ແທນເຂົ້າຮ່ວມກອງປະຊຸມ ໄດ້ຄົ້ນຄວ້າບົດສະຫຼູບ ແລະ ແຜນການຂອງກົມສ້າງຄູ

ເວລາ 16:30 ຄະນະຜູ້ແທນໄດ້ຊົມການແຂງຂັນກິລາເປຕັງລະຫວ່າງວິທະຍາໄລຄູທັງ 8 ແຫ່ງ.

ເວລາ 18:30-22:00 ໄດ້ມີງານລ້ຽງຕ້ອນຮັບແຂກກອງປະຊຸມຂອງ ວິທະຍາໄລຄູ ສະຫວັນນະເຂດ ແລະ ຊົມການສະແດງສິລະປະ-ວັນນະຄະດີ ວິທະຍາໄລຄູ ສະຫວັນນະເຂດ, ວິທະຍາໄລຄູ ບ້ານເກິນ, ວິທະຍາໄລຄູ ຫຼວງພະບາງ ແລະ ວິທະຍາໄລຄູຫຼວງນ້ຳທາ.

ສົ່ງເຂົ້າ Facebook 
ທີ່ຕັ້ງ: ຖະໜົນເລກ 09, ບ້ານ ອຸດົມວິໄລ, ເມືອງ ໄກສອນພົມວິຫານ, ແຂວງ ສະຫວັນນະເຂດ.
ໂທລະສັບ: (856) 41-212180, Fax: (856) 41-213667, ຕູ້ໄປສະນີ: 809, Email: savanttc [at] yahoo.com
ໃບອະນຸຍາດນຳສະເໜີ