ວິທະຍາໄລຄູ ສະຫວັນນະເຂດ ເປັນສູນກາງແຫ່ງການພັດທະນາວິຊາຊີບຄູທີ່ມີຄຸນນະພາບ ແລະ ຈັນຍາບັນ, ເອົາໃຈໃສ່ການວິໄຈ ສາມາດເຊື່ອມໂຍງໄດ້ກັບສາກົນ.
Savannakhet Teacher Training College is the center of professional development with high quality and ethic teachers, research-oriented, and international cooperation.
ວິໄສທັດຮອດປີ 2020 ແລະ ແຜນຍຸດທະສາດ 5 ປີ (2016-2020)

ເຄື່ອງແບບລັດຖະກອນຄູ


25/10/2010 12:00:00 am - ງານແລກປ່ຽນວັດທະນະທຳກັບ ມະຫາວິທະຍາໄລ ສີນະຄະຣິນວິໂຣດ (ຄະນະແພດສາດ) ປະເທດໄທ
ວັດຜົນ-ປະເມີນຜົນ


ໃນຕອນເຊົ້າຂອງວັນທີ 25/10/2010 ເວລາ 10:00 ໂມງ ທີ່ ສະໂມສອນໃຫຍ່ ວິທະຍາໄລຄູ ສະຫວັນນະເຂດ ໄດ້ຈັດໃຫ້ມີການສະແດງສີລະປະ ວັນນະຄະດີ ເພື່ອແລກປ່ຽນວັດທະນະທຳ ລະຫວ່າງ ວິທະຍາໄລຄູ ສະຫວັນນະເຂດ ແລະ ຄະນະແພດສາດ ມະຫາວິທະຍາໄລ ສີນະຄະຣິນວິໂຣດ ລາຊາອານາຈັກໄທ. ໂດຍເປັນກຽດເຂົ້າຮ່ວມຮັບຊົມມີທ່ານ ບຸນຊູ ສຸລິເດດ ຮອງອຳນວຍການຝ່າຍ ກິດຈະກຳນັກສຶກສາ, ທ່ານ ວິໄນ ສຸຂະລາດ ຮອງອຳນວຍການຝ່າຍວັດຜົນ - ປະເມີນຜົນ ແລະ ພັດທະນາຄູ ວິທະຍາໄລຄູ ສະຫວັນນະເຂດ ພ້ອມກັບຄູ-ອາຈານ ແລະ ນັກສຶກສາຈຳນວນຫຼວງຫຼາຍ. ຝ່າຍປະເທດໄທ ນຳທີມໂດຍທ່ານ ກະຈາຍສັກ ລ້ຽມລັດຕະນະພອນ ຮອງຄະນະບໍດີ ມະຫາວິທະຍາໄລ ສີນະຄະຣິນວິໂຣດ ແລະ ດຣ ໂກສຸມ ຈັນສິຣິ ຮອງຄະນະບໍດີ ມະຫາວິທະຍາໄລ ສີນະຄະຣິນວິໂຣດ ພ້ອມກັບທີມງານນັກສະແດງ. ໃນການສະແດງປະກອບມີ 9 ລາຍການໃນນັ້ນ ເປັນການສະແດງຂອງຄະນະສີລະປະ ວິທະຍາໄລຄູ ສະຫວັນນະເຂດ 5 ລາຍການ ແລະ ຈາກນັກສະແດງຂອງປະເທດໄທ 4 ລາຍການດັ່ງມີລາຍລະອຽດລຸ່ມນີ້:

1. ບົດຟ້ອນຈຳປາເມືອງລາວ (ວຄສ)

2. ລຳບາສີສູ່ຂວັນ (ມະຫາວິທະຍາໄລ ສີນະຄະຣິນວິໂຣດ)

3. ບົດຟ້ອນລຳຄອນສະຫວັນ (ວຄສ)

4. ລຳລະບຳສຸໂຂໄທ (ມະຫາວິທະຍາໄລ ສີນະຄະຣິນວິໂຣດ)

5. ເຕັ້ນລາວແບບໃໝ່ (ບາສະຫຼົບ) (ວຄສ)

6. ລະບຳເທບບັນເທີງ (ມະຫາວິທະຍາໄລ ສີນະຄະຣິນວິໂຣດ)

7. ບົດຟ້ອນລຳພູໄທ (ວຄສ)

8. ລຳແພວາກາລະສິນ (ມະຫາວິທະຍາໄລ ສີນະຄະຣິນວິໂຣດ)

9. ບົດຟ້ອນລຳມະຫາໄຊ (ວຄສ)

ສົ່ງເຂົ້າ Facebook 
ທີ່ຕັ້ງ: ຖະໜົນເລກ 09, ບ້ານ ອຸດົມວິໄລ, ເມືອງ ໄກສອນພົມວິຫານ, ແຂວງ ສະຫວັນນະເຂດ.
ໂທລະສັບ: (856) 41-212180, Fax: (856) 41-213667, ຕູ້ໄປສະນີ: 809, Email: savanttc [at] yahoo.com
ໃບອະນຸຍາດນຳສະເໜີ