ວິທະຍາໄລຄູ ສະຫວັນນະເຂດ ເປັນສູນກາງແຫ່ງການພັດທະນາວິຊາຊີບຄູທີ່ມີຄຸນນະພາບ ແລະ ຈັນຍາບັນ, ເອົາໃຈໃສ່ການວິໄຈ ສາມາດເຊື່ອມໂຍງໄດ້ກັບສາກົນ.
Savannakhet Teacher Training College is the center of professional development with high quality and ethic teachers, research-oriented, and international cooperation.
ວິໄສທັດຮອດປີ 2020 ແລະ ແຜນຍຸດທະສາດ 5 ປີ (2016-2020)

ເຄື່ອງແບບລັດຖະກອນຄູ


15/10/2010 12:00:00 am - ວຽກດີຄົນເດັ່ນ
ວິທະຍາສາດສັງຄົມ


ຄົນດີຂອງສັງຄົມ

ບັນດາທ່ານທັງຫຼາຍ ໃນວັນໜຶ່ງທ່ານເຄີຍທໍາດີແລ້ວຫຼືຍັງ ຄວາມດີເປັນສິ່ງທີ່ສັງຄົມຍ້ອງຍໍ ແລະ ສັນລະເສີນ ແຕ່ຄວາມດີແມ່ນມີໜ້ອຍທີ່ສຸດທີ່ຈະເກີດຂຶ້ນກັບທ່ານ ຖ້າຫາກທ່ານຍັງມີແນວຄິດທີ່ໂລບມາກໂລພາ, ມີກິເລດຕັນຫາ ແລະອື່ນໆ ດັ່ງຄໍາສຸພາສິດເພິ່ນເຄີຍເວົ້າວ່າ: ທໍາຄວາມດີສາມປີເກືອບບໍ່ເຫັນ ທໍາຄວາມຊົ່ວໜຶ່ງວິນາທີກໍໄດ້.

(ຮູບ) ທ້າວ ບຸນຊົງ ໄຊປັນຍາ ຫ້ອງ 2 ຄະນິດສາດ ຂ

(ຮູບ) ນ. ສຸວັນນາລີ 1 ຄ (9+3)

(ຮູບ) ຈໍານວນເງິນ 1.100.000 ກີບ (ໜຶ່ງລ້ານໜຶ່ງແສນກີບ)

ມື້ນີ້ຜູ້ຂຽນໄດ້ນໍາສະເໜີບຸກຄົນທີ່ມີຄຸນງາມຄວາມດີໃນສັງຄົມ. ນັ້ນກໍຄື ທ້າວ ບຸນຊົງ ໄຊປັນຍາ ເປັນນັກສຶກສາຂອງໂຮງຮຽນວິທະຍາໄລຄູສະຫວັນນະເຂດ ປັດຈຸບັນຮຽນຢູ່ສາຍວິທະຍາສາດທໍາມະຊາດ ຫ້ອງປີທີ 2 ຄະນິດສາດ ຂ ໄດ້ເກັບເງິນ ຈໍານວນ 1.100.000 ກີບ (ໜຶ່ງລ້ານໜຶ່ງແສນກີບ) ໃນຕອນຄໍ່າຂອງວັນທີ 30/9/2010 ເວລາປະມານ 7 ໂມງ ຫາ 8 ໂມງແລງ ທີ່ໄດ້ຕົກເຮ່ຍຕໍ່ໜ້າເຮືອນຫ້ອງແຖວຂອງຄູ - ອາຈານ ວິທະຍາໄລຄູສະຫວັນນະເຂດ (ຫຼັງນອກໂຮງຮຽນນອກຮົ້ວໂຮງຮຽນວິທະຍາໄລຄູສະຫວັນນະເຂດ) ມາໃນວັນທີ 1/10/2010 ເວລາປະມານ 10 : 10 ນາທີ ຜູ້ກ່ຽວໄດ້ນໍາເງິນຈໍານວນດັ່ງກ່າວມາສົ່ງຄືນເຈົ້າຂອງ ຢູ່ທີ່ຫ້ອງການກິດຈະກໍານັກສຶກສາ ໂດຍແມ່ນ ອາຈານ ບຸນຊູ ສຸລິເດດ ຮອງຜູ້ອໍານວຍການຝ່າຍກິຈະກໍານັກສຶກສາ ແລະ ຄູອາຈານພາຍໃນຫ້ອງການດັ່ງກ່າວເຂົ້າຢ່າງພ້ອມພຽງ ເພື່ອເປັນສັກຂີພິຍານ ໃນການການສົ່ງເງິນຈໍານວນດັ່ງ. ໃນໂອກາດດັ່ງກ່າວ ນາງ ສຸວັນນາລີ ນັກສຶກສາສາຍສ້າງຄູປະຖົມ 9+3 ຫ້ອງ 1 ຄ ເປັນຜູ້ທີ່ເຮັດເງິນຕົກເຮ່ຍ ລາວກໍມີຄວາມດີອົກດີໃຈ ແລະຂອບອົກຂອບໃຈຢ່າງລົ້ນເຫຼື່ອຕໍ່ ທ້າວ ບຸນຊົງ ໄຊປັນຍາ ນັກສຶກສາວິທະຍາໄລຄູ ສະຫວັນນະເຂດ ທີ່ມີຈິດໃຈບໍລິສຸດ. ທ້າວ ບຸນຊົງ ໄຊປັນຍາ ເກີດຢູ່ບ້ານແກ້ວວິໄລ (ຈຸດສຸມເມືອງວັງ) ເມືອງວິລະບູລີ ແຂວງ ສະຫວັນນະເຂດ ເປັນທີ່ສັງຄົມຍອມຮັບວ່າເປັນຄົນດີຂອງສັງຄົມ ທຸກຄົນຄວນເອົາເປັນແບບຢ່າງ ເພື່ອຮັດໃຫ້ສັງຄົມເຮົາມີຄວາມສະຫງົບ ແລະ ປອດໄພທຸກປະການ.

ຄຸນສົມບັດຂອງຄົນດີມີຄື:

ຄົນດີ ຊອບກໍ່ສ້າງ ທາງທີ່ຄວາມຈະເລີນ
ຄົນດີ ມັກວາງໂຄງການ ເພື່ອລູກຫຼານພາຍໜ້າ
ຄົນດີ ມັກຮໍ່າຮຽນຄວາມຮູ້ ຈິດໃຈພົມວິຫານ ສີ່
ຄົນດີ ມັກເຮັດພ້ອມປາກເວົ້າ ເປັນຢ້ຽມຢ່າງຜູ້ຕາມ
ຄົນດີ ຊອບກ່າວເວົ້າ ຄໍາອ່ອນບໍ່ຂັດຫູ
ຄົນດີ ບໍ່ຊອບນິນທາຂວັນ ບຽດບຽນຊາວບ້ານ
ຄົນດີ ສັນລະເສີນຍ້ອງ ການກະທໍາຂອງຄົນອື່ນ
ຄົນດີ ເຫັນໂລກກວ້າງ ແນະນໍາເພື່ອນໃຫ້ເຮັດຕາມ.



ເກັບກໍາໂດຍ: ດອກຫວາຍ ສາຍເມືອງວັງ (ພອນສະຫວັນ)

ສົ່ງເຂົ້າ Facebook 
ທີ່ຕັ້ງ: ຖະໜົນເລກ 09, ບ້ານ ອຸດົມວິໄລ, ເມືອງ ໄກສອນພົມວິຫານ, ແຂວງ ສະຫວັນນະເຂດ.
ໂທລະສັບ: (856) 41-212180, Fax: (856) 41-213667, ຕູ້ໄປສະນີ: 809, Email: savanttc [at] yahoo.com
ໃບອະນຸຍາດນຳສະເໜີ