ວິທະຍາໄລຄູ ສະຫວັນນະເຂດ ເປັນສູນກາງແຫ່ງການພັດທະນາວິຊາຊີບຄູທີ່ມີຄຸນນະພາບ ແລະ ຈັນຍາບັນ, ເອົາໃຈໃສ່ການວິໄຈ ສາມາດເຊື່ອມໂຍງໄດ້ກັບສາກົນ.
Savannakhet Teacher Training College is the center of professional development with high quality and ethic teachers, research-oriented, and international cooperation.
ວິໄສທັດຮອດປີ 2020 ແລະ ແຜນຍຸດທະສາດ 5 ປີ (2016-2020)

ເຄື່ອງແບບລັດຖະກອນຄູ


16/09/2013 12:00:00 am - ການຈັດພິທີສະເຫຼີມສະຫຼອງ ວັນຄູແຫ່ງຊາດ 7 ຕຸລາ ປີ 2013 ຄົບຮອບ 19 ປີ
ວັດຜົນ-ປະເມີນຜົນ


ແຈ້ງການ

ເນື່ອງໃນໂອກາດທີ່ ວິທະຍາໄລຄູ ສະຫວັນນະເຂດ ຈະໄດ້ມີການຈັດພິທີສະເຫຼີມສະຫຼອງ ວັນຄູແຫ່ງຊາດ 7 ຕຸລາ ປີ 2013 ຄົບຮອບ 19 ປີ (1994-2013) ຈັດຂຶ້ນທີ່ ວິທະຍາໄລຄູ ສະຫວັນນະເຂດ ລະຫວ່າງວັນທີ 30​ ກັນຍາ ຫາວັນທີ 4 ຕຸລາ 2013.

* ຈຸດປະສົງໃນການຈັດພິທີ:
- ລະນຶກເຖິງບຸນຄຸນຂອງຄູໃນໄລຍະຜ່ານມາ.
- ສ້າງເງື່ອນໄຂໃຫ້ເພື່ອນຮ່ວມອາຊີບຄູໄດ້ມີໂອກາດພົບປະແລກປ່ຽນບົດຮຽນກ່ຽວກັບການຮຽນ-ການສອນ.
- ໃຫ້ປະສົບການ ແລະ ບົດຮຽນແຫ່ງຊີວິດໃນອາຊີບຄູ ແກ່ນັກສຶກສາຄູຮຸ່ນປັດຈຸບັນ ທີ່ຈະກ້າວໄປເປັນຄູທີ່ດີໃນອະນາຄົດ.
- ເສີມສ້າງຄວາມສັດທາ ແລະ ຍົກສູງຖານະບົດບາດຂອງຄູໃນສັງຄົມ.

* ເປົ້າໝາຍຜູ້ເຂົ້າຮ່ວມ:
- ອະດີດພະນັກງານ-ອາຈານສອນ, ອະດີດນັກສຶກສາຂອງວິທະຍາໄລຄູ ສະຫວັນນະເຂດທຸກໆຮຸ່ນ, ເພື່ອນຮ່ວມງານຂອງຄູ, ພະນັກງານ, ພໍ່ແມ່ນັກຮຽນ ແລະ ປະຊາຊົນໃນທຸກສາຂາອາຊີບ.

* ວິທີການດຳເນີນ:
- ປະຖະກະຖາໃນຫົວຂໍ້ຕ່າງໆ ທີ່ພົວພັນເຖິງຜົນງານຂອງຄູໃນໄລຍະຜ່ານມາ.
- ຈັດໃຫ້ມີການພົບປະລະຫວ່າງອະດີດນັກສຶກສາ ວ.ຄ.ສ ໃນແຕ່ລະຮຸ່ນ.
- ຈັດໃຫ້ມີການສຳມະນາກ່ຽວກັບການຮຽນ-ການສອນ ລະຫວ່າງຄູເກົ່າ ແລະ ຄູໃໝ່.
- ຈັດຕັ້ງການສະເຫຼີມສະຫຼອງ ແລະ ມອບໃບຍ້ອງຍໍຂັ້ນຕ່າງໆໃຫ້ຄູທີ່ມີຜົນງານ.

ດັ່ງນັ້ນ, ຈຶ່ງແຈ້ງການມີ້ມາຍັງທຸກທ່ານເພື່ອຊາບ ແລະ ທ່ານສາມາດສະແດງຄວາມຄິດເຫັນ, ການປະກອບສ່ວນທາງດ້ານວັດຖຸປັດໄຈ, ຄຳອວຍພອນ ຫຼື ແຈ້ງຈຸດປະສົງທີ່ຈະເຂົ້າຮ່ວມງານໄດ້ທີ່:

ໂທ: 041 - 202 081
Fax: 041 - 213 667
E-Mail: savanttc@yahoo.com
Website: savannakhet-ttc.edu.la

ສົ່ງເຂົ້າ Facebook 
ທີ່ຕັ້ງ: ຖະໜົນເລກ 09, ບ້ານ ອຸດົມວິໄລ, ເມືອງ ໄກສອນພົມວິຫານ, ແຂວງ ສະຫວັນນະເຂດ.
ໂທລະສັບ: (856) 41-212180, Fax: (856) 41-213667, ຕູ້ໄປສະນີ: 809, Email: savanttc [at] yahoo.com
ໃບອະນຸຍາດນຳສະເໜີ