ກອງປະຊຸມການນຳສະເໜີຂອບຄວາມຄິດ ແລະ ແຜນດຳເນີນການວິໄຈ ສະໜັບສະໜູນບົດວິພາກໃນການຍົກສະຖານະ ວິທະຍາໄລຄູ ເປັນສະຖາບັນສ້າງຄູ ປະຈຳສົກປີ 2025 ຄັ້ງວັນທີ 13 ມີນາ 2025 ທີ່ວິທະຍາໄລຄູສະຫວັນນະເຂດ-ວິທະຍາໄລຄູສະຫວັນນະເຂດ

ກອງປະຊຸມການນຳສະເໜີຂອບຄວາມຄິດ ແລະ ແຜນດຳເນີນການວິໄຈ ສະໜັບສະໜູນບົດວິພາກໃນການຍົກສະຖານະ ວິທະຍາໄລຄູ ເປັນສະຖາບັນສ້າງຄູ ໄດ້ເລີ່ມແຕ່ເວລາ 9 ໂມງ 00 ນາທີ ຂອງວັນທີ 13 ມີາ 2025 ທີ່ຫ້ອງປະຊຸມຕຶກ AJ ວິທະຍາໄລຄູສະຫວັນນະເຂດ ໂດຍການເປັນປະທານຂອງທ່ານ ລັດສະໝີ ພະໄຊສີ ຜູ້ອຳນວຍການວິທະຍາໄລຄູສະຫວັນນະເຂດພ້ອມຄະນະ, ມີຫົວໜ້າຈັດຕັ້ງພະນັກງານ ກວດກາ ແລະ ປະກັນຄຸນນະພາບ ພ້ອມຄະນະ, ຄະນະຮຽບຮຽງບົດວິພາກ ແລະ ຄະນະຮັບຜິດຊອບເຂົ້າຮ່ວມ.

ເນື້ອໃນກອງປະຊຸມແມ່ນຕ່າງໜ້າຄະນະຮຽບຮຽງບົດວິພາກ ຂຶ້ນນຳສະເໜີຂອບຄວາມຄິດ ແລະ ແຜນດຳເນີນການວິໄຈ ໃນ2ຫົວຂໍ້ຄື:

1. ສິ່ງທ້າທາຍໃນການສອນ ແລະ ຄວາມຕ້ອງການພັດທະນາຕົນເອງຂອງຄູ: ກໍລະນີສຶກສາຂອງຄູອະນຸບານ ຄູປະຖົມ ແລະ ຄູມັດທະຍົມໃນແຂວງສະຫວັນນະເຂດ ແລະ ແຂວງຄຳມ່ວນ

2. ລະບົບການສະໜັບສະໜູນການພັດທະນາຄຸນນະພາບການສອນໃນວິທະຍາໄລຄູສະຫວັນນະເຂດ ແລະ ໂຮງຮຽນເຄືອຄ່າຍ.

ລົງຂ່າວໂດຍ: ອຈ ດາວມະໂນລັກ ແກ້ວມຸງຄຸນ

ຂ່າວສະຖາບັນ

ຂ່າວສານຫຼ້າສຸດ

ຂ່າວສະຖາບັນ

ຂ່າວສານຫຼ້າສຸດ

ພາກວິຊາສ້າງຄູເຄມີສາດ ແລະ ຊີວະວິທະຍາ ຝຶກອົບຮົມການນໍາໃຊ້ AI ສຳລັບການຮຽນການສອນ ໃຫ້ແກ່ນັກສຶກສາຄູ

ເອກະສານວຽກປະກັນຄຸນນະພາບ (QA) 2024