ວິທະຍາໄລຄູສະຫວັນນະເຂດ ປະຕິບັດນະໂຍບາຍເງິນສົງເຄາະ ແດ່ ຄອບຄົວ ອາຈານ ສຸກສັນ ນວນທະວົງ ທີ່ໄດ້ສູນເສຍພໍ່ທີ່ແສນເຄົາລົບຮັກ-ວິທະຍາໄລຄູສະຫວັນນະເຂດ

ເວລາ 11:00 ນາທີ ຂອງວັນທີ 01 ພຶດສະພາ 2024 ຄະນະພັກ, ຄະນະອຳນວຍການ ພະນັກງານຄູ-ອາຈານ ຕາງໜ້າໃຫ້ວິທະຍາໄລຄູສະຫວັນນະເຂດ ໄດ້ຮ່ວມແບ່ງເບົາຄວາມທຸກໂສກ ໄວ້ອາໄລແດ່ການຈາກໄປ ຂອງ ທ່ານ ເດີມ ນວນທະວົງ ຜູ້ເປັນພໍ່ຂອງ ອາຈານ ສຸກສັນ ນວນທະວົງ ຮັກສາການຫົວໜ້າພາກວິຊາເຄມີສາດ-ຊີວະວິທະຍາ ຂອງວິທະຍາໄລຄູສະຫວັນນະເຂດ. ທີ່ເສຍຊີວິດໃນເວລາ 16:35 ນາທີ ຂອງວັນທີ 29 ເມສາ 2024 ດ້ວຍໂລກຊະລາ ທີ່ບ້ານ ເຊບັງຫຽງ, ເມືອງ ສອງຄອນ ແຂວງສະຫວັນນະເຂດ. ໃນພິທີດັ່ງກ່າວ ທ່ານ ພົມມາ ໄຊຍະວົງ ຮອງຜູ້ອຳນວຍການວິທະຍາໄລຄູສະຫວັນນະເຂດ ພ້ອມຄະນະພະແນກ, ພາກວິຊາ ຂອງ ວຄສ ກໍໄດ້ແບ່ງເບົາຄວາມທຸກໂສກນຳຄອບຄົວ ດ້ວຍການມອບນະໂຍບາຍເງິນສົງເຄາະກິນທານ ໃນນາມ ພະນັກງານທັງໝົດ ເປັນຈຳນວນເງິນ 5.840.000 ກີບ. ຕໍ່ກັບການສູນເສຍໃນຄັ້ງນີ້ ວິທະຍາໄລຄູສະຫວັນນະເຂດ ຂໍສະແດງຄວາມເສຍໃຈຢ່າງຍິ່ງມາຍັງຄອບຄົວຂອງທ່ານ ຂໍໃຫ້ດວງວິນຍານ ທ່ານ ເດີມ ນວງທະວົງ ຈົ່ງໄປສູ່ສຸຂະຕິສຸກເຖີ່ນ!

ພາບ-ຂ່າວ: ສະຖາພອນ ລາດຊະວັດ

ຂ່າວສະຖາບັນ

ຂ່າວສານຫຼ້າສຸດ

ຂ່າວສະຖາບັນ

ຂ່າວສານຫຼ້າສຸດ

ພິທີປະກາດບົ່ງຕົວແຕ່ງຕັ້ງ ຮອງເລຂາຄະນະພັກ ວິທະຍາໄລຄູສະຫວັນນະເຂດ