ວິທະຍາໄລຄູສະຫວັນນະເຂດ ປະຕິບັດນະໂຍບາຍສົງເຄາະ ແດ່ ຄອບຄົວ ທ່ານ ສົມບູນ ພົມມະວົງສາ ອະດີດພະນັກງານບຳນານ ຂອງວິທະຍາໄລຄູສະຫວັນນະເຂດ ທີ່ເສຍຊີວິດ-ວິທະຍາໄລຄູສະຫວັນນະເຂດ

ເວລາ 9:00 ນາທີ ຂອງວັນທີ 09 ກຸມພາ 2024 ຄະນະພັກ, ຄະນະອຳນວຍການ, ອົງການຈັດຕັ້ງກຳມະບານ ຕາງໜ້າໃຫ້ພະນັກງານວິທະຍາໄລຄູສະຫວັນນະເຂດ ໄດ້ເຂົ້າຮ່ວມແບ່ງເບົາຄວາມທຸກໂສກ ໄວ້ອາໄລແດ່ການຈາກໄປ ຂອງ ທ່ານ ອາຈານ ສົມບູນ ພົມມະວົງສາ ອະດີດພະນັກງານບຳນານ ຂອງວິທະຍາໄລຄູສະຫວັນນະເຂດ ພ້ອມທັງເປັນພໍ່ຂອງ ອາຈານ ພອນທິບ ພົມມະວົງສາ ພະນັກງານສັງກັດໂຮງຮຽນປະຖົມສາທິດຂອງວິທະຍາໄລຄູສະຫວັນນະເຂດ. ທີ່ເສຍຊີວິດໃນເວລາ 02:30 ນາທີ ຂອງວັນທີ 08 ກຸມພາ 2024 ດ້ວຍພະຍາດຂອງຜູ້ກ່ຽວ ທີ່ໜ່ວຍ 32 ບ້ານອຸດົມວິໄລ, ນະຄອນໄກສອນພົມວິຫານ ແຂວງສະຫວັນນະເຂດ. ໃນພິທີດັ່ງກ່າວ ທ່ານ ລັດສະໝີ ພະໄຊສີ ເລຂາຄະນະພັກຮາກຖານ ຜູ້ອຳນວຍການວິທະຍາໄລຄູສະຫວັນນະເຂດ ພ້ອມຄະນະພັກ, ຄະນະອຳນວຍການ, ຄະນະພະແນກ, ພາກວິຊາ, ໂຮງຮຽນສາທິດ ແລະ ສະຫະພັນກຳມະບານ ວຄສ ຕາງໜ້າໃຫ້ພະນັກງານທົ່ວວິທະຍາໄລຄູສະຫວັນນະເຂດ ໄດ້ນຳພາວາງພວງມາລາໜ້າສົບ ສະແດງຄວາມອາໄລອາວອນຕໍ່ກັບການສູນເສຍອະດີດພະນັກງານບຳນານທີ່ແສນເຄົາລົບຮັກຂອງຄອບຄົວ ລູກຫຼານ, ອ້າຍ, ເອື້ອຍ, ນ້ອງ ແລະ ໝູ່ເພື່ອນ ເຊິ່ງເປັນການສູນເສຍບຸກຄົນຜູ້ຫ້າວຫັນ, ມີຜົນງານອັນໂດດເດັ່ນໃນການປະຕິບັດໜ້າທີ່ວິຊາສະເພາະຕະຫຼອດໄລຍະການປະກອບອາຊີບ, ປະກອບສ່ວນກໍ່ສ້າງບຸກຄະລາກອນຄູຂອງຊາດໃນຫຼາຍຮຸ່ນ. ພ້ອມນັ້ນ, ກໍໄດ້ແບ່ງເບົາຄວາມທຸກໂສກນຳຄອບຄົວ ດ້ວຍການມອບນະໂຍບາຍເງິນສົງເຄາະກິນທານນຳຄອບຄົວຜູ້ກ່ຽວ ໃນນາມຂອງ ວິທະຍາໄລຄູສະຫວັນນະເຂດ ແລະ ພະນັກງານທັງໝົດ ເປັນຈຳນວນເງິນ 7.240.000 ກີບ. ຕໍ່ກັບການສູນເສຍໃນຄັ້ງນີ້ ວິທະຍາໄລຄູສະຫວັນນະເຂດ ຂໍສະແດງຄວາມເສຍໃຈຢ່າງຍິ່ງມາຍັງຄອບຄົວຂອງທ່ານ ຂໍໃຫ້ດວວງວິນຍານ ອາຈານ ສົມບູນ ພົມມະວົງສາ ຈົ່ງໄປສູ່ສຸຂະຕິສຸກເຖີ່ນ!