ພິທີປະກາດພັກການຮັບອູດໜູນ ບໍານານຂອງພະນັກກງານຄູ ວິທະຍາໄລຄູ ສະຫວັນນະເຂດ ປະຈໍາປີ 2023 ຄັ້ງວັນທີ 11 ມັງກອນ 2024-ວິທະຍາໄລຄູສະຫວັນນະເຂດ

ໃນຕອນບ່າຍຂອງວັນທີ 11 ມັງກອນ 2024 ທີ່ຫ້ອງປະຊຸມຊັ້ນ (II) ຫ້ອງການໃຫຍ່ຂອງວິທະຍາໄລຄູ ສະຫວັນນະເຂດ ໄດ້ຈັດພິທີປະກາດພັກການຮັບອູດໜູນ ບໍານານຂອງພະພັກງານຄູ ວິທະຍາໄລຄູ ສະຫວັນນະເຂດ ປະຈໍາປີ 2023. ໃຫ້ກຽດເປັນປະທານ ໂດຍ ທ່ານ ລັດສະໝີ ພະໄຊສີ ຜູ້ອໍານວຍການ ວິທະຍາໄລຄູສະຫວັນນະເຂດ, ເຊິ່ງມີຜູ້ເຂົ້າຮ່ວມຈາກຫຼາຍພາກສ່ວນເຊັ່ນ: ທ່ານ ພົມມາ ໄຊຍະວົງ ຮອງຜູ້ອຳນວຍການ, ປະທານອົງການຈັດຕັ້ງມະຫາຊົນ, ຫົວໜ້າພະແນກ, ຫົວໜ້າພາກວິຊາ, ຜູ້ອຳນວຍການໂຮງຮຽນສາທິດ, ພະນັກງານຈັດຕັ້ງ, ຄູອາຈານຈຳນວນໜຶ່ງຈາກພາກສ່ວນຕ່າງໆ ພິເສດແມ່ນພະນັກງານບຳນານ ທັງ 03 ທ່ານຄື: ທ່ານ ນາງ ຄຳບາງ ອິນທະວົງສາ, ທ່ານ ນາງ ພວງຄຳ ສີວິໄລ ແລະ ທ່ານ ນາງ ຄຳຫຼ້າສີສຳລານ ພ້ອມສະມາຊິກຄອບກໍ່ຮວ່ມສະແດງຄວາມຍິນດີຄັ້ງນີ້.

ຫົວໜ້າພະແນກຈັດຕັ້ງພະນັກງານຂຶ້ນຜ່ານຂໍ້ຕົກລົງລັດຖະມົນຕີ ວ່າດ້ວຍການພັກການຮັບອຸດໜູນບຳນານ

ພາຍຫຼັງການຂຶ້ນຜ່ານຂໍ້ຕົກລົງບຳນານຈາກຫົວໜ້າພະແນກຈັດຕັ້ງພະນັກງານ, ກວດກາ ແລະ ປະກັນ ຄຸນນະພາບ ທ່ານຜູ້ອຳນວຍການໄດ້ກ່າວຂອບໃຈ ແລະ ສະແດງຄວາມຊົມເຊີຍກັບຜົນງານທີ່ປະຕິບັດໄດ້ໃນໄລຍະຜ່ານມາ ຂອງພະນັກງານບໍານານ. ພ້ອມກັນນັ້ນພະນັກງານບໍານານ ກໍ່ກ່າວຂອບໃຈ ແລະ ສະຫຼຸບຜົນງານທີ່ຜ່ານມາ. ຫຼັງຈາກນັ້ນ, ແຕ່ລະພາກສ່ວນ ກໍ່ໄດ້ມີການມອບຂອງຂວັນໃຫ້ແກ່ພະນັກງານຮັບບໍານານ ເພື່ອເປັນທີ່ລະນຶກໃນພິທີຄັ້ງນີ້.